चातक झालाय माझा
तुझी वाट पाहताना
जणू तू आलीच आहेस
अशी कल्पना करून बघताना !
प्रतीक्षेचा क्षण आणि क्षण
किती मोठा असतो नाही
स्वत: प्रतीक्षा केल्याशिवाय
तुला हे कळणारच नाही !
आता येशील, तेंव्हा येशील
अशी मनाची समजूत घालतोय खरी
पण हुरहूर आता वाढत चाललीय
ही गोष्ट सुध्दा तेव्हढीच खरी !
जणू तू समोरच आहेस
असं समजून घेताना
पापण्या मिटतच नाहीत डोळ्यांच्या
केंव्हाची मी वाट पाहतोय
आता आर्त साद घालतोय
जन्मजन्मांतरीच्या सोबतीसाठी
फक्त तुझाच हात मागतोय !
- समीर पु.नाईक
No comments:
Post a Comment