भासांचा आभास तू
श्वासांचा निश्वास तू
स्वप्नांचा ध्यास तू
ह्र्दयाची आस तू
सर्वव्यापी हरिहरा !
वार्याची झूळूक तू
भास्कराचे तेज तू
सागराची गाज तू
क्षितीजाच्या पार तू
अनादी परमेश्वरा !
भावनेचे मूळ तू
विचारांचे सूत्र तू
अक्षराचा आकार तू
वाक्याचा अर्थ तू
आद्यशब्द सर्वेश्वरा !
लय , सूर , ताल तू
वेणूनाद छान तू
पक्ष्यांची तान तू
संगीताचे कान तू
नादब्रम्ह सुरेश्वरा !
धर्माचे सत्व तू
तत्वाचा आधार तू
कर्माचे अस्तित्व तू
श्रद्धेचा निदिध्यास तू
करूणाघन शंकरा !
कण कण सृष्टी तू
अदॄश्य आणि प्रकट तू
अंतरात सुक्ष्म तू
विश्वरूप सर्व तू
एकमात्र ईश्वरा !
No comments:
Post a Comment