मन खुळे माझे, धावे स्वप्नांपाठी
की स्वप्न वेडे माझे,मनाचे सांगाती
मी पुसले मनाला, खरे आहे कारे
ते ही सांगे स्वच्छ,स्वप्न आहे सारे
आता मोठा प्रश्न, मन असे का करावे
जाणूनिया सर्व,तरी हिंडत फिरावे
स्वप्न सांगे मला ,माझे दिवाने जग
मन तुझे तरी, मागे राहील कसे मग
सांग स्वप्ना तुच,मन माझेही ऎकेना
प्रयत्‍न किती जरी ,मना जिंकता येईना
मन विचारी मला,जिंकण्याची काय व्याख्या
स्वाधीन आहे कारे, मी तुझेच ना मन
माझ्या अधीन सारे, भ्रमात किती जण
स्वप्ने आहेत म्हणून आहे बरं का जग
गोंधळ झाला माझा,मना आले मोठे हसू
चल मित्रा माझ्या,स्वप्नांच्या नावेत बसू
- समीर पु.नाईक
