तू आलीस जेंव्हा तो क्षण .........

तू आलीस जेंव्हा तो क्षण .........



तू आलीस जेंव्हा ,तो क्षण
मी मनात ठेवलाय जपून


पहाट ओल्या दवाचे कण
निथळतात पाना पानातून



आकाश रिमझिमते भूमीवर
चिंब ,चिंब पाऊस धारांतून



वारा वाहतो असा धुंदलेला
गच्च हिरवटलेल्या रानातून



अग्नीचा नवा बघ प्रकार
तो जळतो फक्‍त विरहातून



रातराणीचा तो मुग्ध गंध
अनूभवतो तुझ्या श्‍वासातून



नव्याने आयुष्याचे आले भान
तुझ्या त्या गुणगुणण्यातून



तू आलीस जेंव्हा ,तो क्षण
मी मनात ठेवलाय जपून

                       - समीर पु.नाईक